兩年前，因為思緒不寧所以就開始咗第一次嘅跑步，並成為我逃避情緒嘅一個避風塘。當時我無特登去為自己訓練，一個月最多都係跑一次4k，跑到夠就停，跑到攰就返上樓休息。曾經跑過嗰兩次10K都係為咗慶祝自己生日而跑，可能因為我慢跑take my own pace，所以只係記得最尾嗰2k真係好肚餓之外，並唔覺得好辛苦。
前排又有心結，上個月把心一橫膽粗粗試吓同出面啲running group 一齊跑。真係唔跑唔知身體咋，點解咁多香港人可以跑得咁快... 癡線架Wahahaha！第一次跑上寶雲道係跑上山係最尾嗰group，仲要全身痛咗足足一個禮拜 (寶雲道已經成為咗我會發惡夢嘅心魔 🙈) 雖然同一大班人跑步辛苦好多，但係一齊開始一齊完結嘅感覺係美好嘅。跑步係公平嘅，而且並無太多嘅特別技巧 (小小啦)，大部份時間都係身體同意志力嘅搏鬥，只要你肯付出就一定可以到達終點。 #跑步初心者 #希望繼續堅持啦
Search